大伏天结婚（也作“六月里做亲”）——勿要面皮（棉被）
大姑娘坐花桥——头一回
大老爷坐堂——呼幺喝六
大年初一看历本——好日脚勒后头
大年夜翻皇历——好日脚过完
大水冲脱龙王庙——一家人勿认一家人
大厅浪挂荐子——勿成其局（轴）
灯笼壳子——外头好看里面空
吊杀鬼搨粉——死要面子
顶仔石臼做戏——吃力勿讨好
豆腐落勒灰堆里——勿好收作
豆腐渣贴门神——勿沾板
豆腐嘴刀子心——嘴软心狠
豆芽菜爬藤——老嫩
厾脱西瓜拾芝麻——因小失大
断线风筝——一去勿回
对仔镜子练拳——自打自
额骨头浪擦窑煤——倒霉（煤）
额骨头浪搁扁担——头挑
二一添作五——各一半
放屁脱裤子——多此一举
飞蛾扑火——自投罗网
粪桶改水桶——臭气还在
呒事烧纸钱——引鬼入门
呒弦线琵琶——勿能谈（弹）
斧头吃凿子，凿子吃木头——一马（木）吃一马（木）
戤米囤饿煞——独头
擀面杖吹火——一窍勿通
高射炮打蚊子——野野豁豁
隔年蚊子——老口
狗头浪摆油盏——活里活络
狗咬吕洞宾——勿识好人心
狗捉老鼠——多管闲事
姑娘嫌嫂嫂——空做冤家
关公卖豆腐——人硬货勿硬
关公面前耍大刀——献丑
棺材横头画花——鬼讨好
棺材横头踢一脚——死人肚里有数。
棺材里射箭——死人弄弓
棺材里伸出手来——死要铜钿
光郎头撑伞（也作“瘌痢头打伞”）——呒法（发）呒天
桂园客人——外行（黄）
过河卒子——只进勿退
过桥拔樯子——晏了
航船浪格白虱——吃客
和尚背包——寻事（寺）
和尚看花轿——空欢喜
和尚睏勒露天——呒事（寺）
和尚买木梳——呒用场
和尚庙里卖木梳——走错门道
和尚生瘪螺痧——瘟生（僧）
和尚拾着辫子——得法(发)
荷叶包野菱——戳穿
喉咙头把脉——客（揢）气
胡桃里格肉——勿敲勿出来
猢狲唱山歌——油条（猴调）
猢狲戴帽子——像煞仔格人
猢狲屁股——坐勿定
猢狲跳加官——衣冠禽兽
画只野猫当老虎——充充样子
黄豆滚进花生壳——勿是人（仁）
黄连树底下弹琴——苦中作乐
黄胖炒年糕——吃力勿讨好
黄鼠狼搭小鸡拜年——勿动好脑筋
黄鼠狼吊勒树浪——脱空放屁
黄鼠狼蹲勒鸡棚浪——勿动好脑筋
黄鼠狼咬煞牛——有吃头
黄鼠狼咬乌龟——呒吃呒看
火车开到马路浪——越规（轨）
火赤练出须——老蛇
火赤练炖酱——恶赞（蘸）
火烧马张店——迟早要归天
火腿浪格草绳——带脚戏（系）
鸡蛋里挑骨头——扳错头。
家堂里格门——勿关
尖屁股乘航船——钻空子
江西人钉碗——自顾自(咕)
姜太公钓鱼——愿者上钩
脚底下搨油——溜得快
脚炉盖当镜子——看穿
脚馒头浪打瞌——自靠自
叫花子唱山歌——穷开心
叫花子量米——一身（升）头
叫花子上阶沿——得寸进尺
叫化子吃三鲜——要一样呒一样
叫化子吃死蟹——只只鲜
叫化子杀猢狲——剧串
叫化子讨百合吃——呒苦讨苦
金銮殿浪牵牛——献丑
井底下格癞头——勿见过世面
镜子里碰头——勿着肉
九两九钱——勿摆勒心（星）浪
韭菜面孔——一拌就熟
看《三国》落眼泪水——替古人担忧
空棺材出丧——目（木）中呒人
空栲栳开米行——呒本佃生意
孔夫子搬家——尽是输（书）
快班船浪格橹——短
快刀切豆腐——两面光
快刀斩乱麻——一刀两断
腊月里格萝卜——动（冻）了心
瘌痢头浪搨浆——得法（发）
瘌痢头做和尚——现成货
蜡烛坯——勿点勿亮
癞蛤蟆想吃天鹅肉——痴心妄想
癞痢头浪绕辫子——空缠
懒婆娘格裹脚布——又臭又长
烂糊田里翻石臼——越陷越深
烂污拆勒门角落——勿图天亮日
郎中开棺材店——死活有进账
老和尚敲磬子——出当(赤当)
老虎吃蝴蝶——勿经大嚼
老虎头浪拍苍蝇——讨死。
老逋鸡拔脱洞宫毛——装嫩（冒充童子鸡）
老逋鸡生疮——毛里有病
老逋鸡跳勒谷堆浪——呒拣头
老牛拉破车——慢吞吞
老寿星插草标——卖老
老寿星唱曲子——老调
老寿星卖娘——倚老卖老
老寿星讨砒霜吃——活得勿耐烦
老鼠搭猫理胡子——拼命巴结
老鼠舔猫头——送死
老鼠跳勒米囤里——吃饱
老鼠钻勒风箱里——两头受气
老鼠钻勒书箱里——咬文嚼字
老燕子喂食——对张对嘴
凉帽剩格顶——豁边
两个哑子睏勒一横头——呒啥话头
两只筷夹肉骨头——三条光棍。
刘备借荆州——有借无还
刘备抢亲——弄假成真
六节头掐卦——轮勿着
六十岁学吹打——晏了
六十岁养儿子——牌位浪好看
六月里格斋（债）——还（坏）得快
六月里着棉袄——热昏
六月里着棉鞋——日脚难过
砻糠搓绳——起头难
聋格耳朵——摆设
聋听书——做做样子
卤水点豆腐——一物降一物
萝卜敲锣——越敲越短
落雨天背柴——越背越重
落雨天出丧——色(湿)鬼
麻叉袋浪绣花——底子太差
麻将落勒河里——牌潮
麻鸟躲勒梁上——架子勿小
麻子搨粉——蚀煞老本
马桶呒不边——难得（掇）
蚂蝗叮螺蛳屁股——紧跟勿放
买条咸鱼放生——假慈悲
买仔炮仗叫人放——戆大
麦柴杆当令箭——当真的
猫哭老鼠——假慈悲
猫攋破蓑衣——乱作一团
毛豆子烧豆腐——一路货。
毛脚蟹腾云（也作“四金刚腾云”）——悬空八只脚。
茅草棚里摆天然几——勿配对
茅坑里格石头——又硬又臭
茅坑上头搭凉棚——摆臭架子
眉毛浪挂百响——祸在眼前
眉毛浪挂汤婆子——眼热
煤炭店里格老板——黑心黑肺黑肚肠
门缝里看人——把人看扁
门槛浪放鸭蛋——滚出滚进
门槛浪搁板凳——活里活络
弥陀菩萨格裤腰——落出肚子
棉花店死脱老板——勿能谈（弹）
庙门前格旗杆——光棍一条
陌生人吊孝——死人肚里得知
木匠打家婆——一斧头
木匠戴枷锁——自作自受
木匠弹线——张只眼闭只眼
木人头摇船——勿推板
南瓜生勒甏里——拿勿出
泥菩萨掉在汤罐里——混淘淘
泥菩萨过河（又作“柴草人救火”或“养媳妇做媒人”）——自身难保